Accessibility links

Sekretè Deta Etazini an, Rex Tillerson, Rive ann Arabi Sawoudit nan Kad yon Efò pou Rezoud Konfli ant Peyi nan Rejyon an

  • Ekip Sèvis Kreyòl VOA

Sekretè Deta Etazini an, Rex Tillerson, agoch , kap rankontre ak Wa Sawoudyen an Salman, adwat, nan Jiddah, Arabi Sawoudit, mèkredi, 12 jiyè 2017.

Efò Sekretè Deta Etazini an, Rex Tillerson, pou rezoud yon chire-pit ant Qatar ak 4 vwazen li nan Gòlf Pèsik la vire mèkredi 12 jiyè 2017 la sou Arabi Sawoudit kote diplomat ameriken an gen pou l rankontre ak otorite nan nasyon sa yo ki akize Qatar kòmkwa l ap sipòte mouvman teworis.

Chita-koze yo tanmen nan vil Jeddah nan Arabi Sawoudit, yon jou apre Mesye Tillerson te anonse Etazini ak Qatar te siyen yon dokiman pou fè konprann ke Doha dwe fè kèk pa pou redui finansman pou mouvman teworis.

5 jen 2017 pase a, peyi Arabi Sawoudit, Emira Arab Ini, Barhrain ak Ejip te koupe relasyon diplomatik ak Qatar, e yo te mete sou li yon blokis sou tè, nan lè ak nan lanmè. Nan yon deklarasyon, yo fè konprann yo pwal swiv Qatar pou konnen si l pran oserye 13 ekzijans ke yo te mete devan l yo. Qatar reponn ke li vle negosye men li pap abandone dwa granmoun li kòm peyi.

XS
SM
MD
LG