Accessibility links

Breaking News

Repiblik Demokratik Kongo: 40 Moun pou pi Piti Pèdi Lavi yo nan yon Masak nan Ituri


Des Congolais déplacés emballent des bateaux pour s'échapper sur le lac Albert vers l'Ouganda, le 5 mars 2018 à Tchomia.

40 moun pou pi piti pèdi lavi yo nan yon masak ki fèt madi swa nan yon lye kote moun ki kite kay yo al refijye nan Ituri, nan zòn nòdès Repiblik Demokratik Kongo, e yo lonje dwèt sou yon milis kominotè pou masak la.

"Bawomèt Sekiritè pou Kivu (KST), fè konnen se 40 sivil pou pi piti ki mouri anba kout zam tankou ponya", men gen sous nan administrasyon rejyon an e nan sosyete sivil la ki mete bilan mò yo nan plis pase 50.

Milis Codeco (Koperativ pou Devlopman Kongo) ki pretenn defann enterè kominote Lendu, e ki atake sitou manm kominote Hema, se li yo sispèk pou masak la. "Li antre nan zòn nan ant 9 è e 10 è nan lye ke yo rele Plèn Savo", nan distans 3 kilomèt ak lokalite Bule, nan teritwa Djugu, se sa Ajans France Presse aprann nan telefòn nan pale ak Jean Richard Dhedda Lenga, chef administrasyon Bahema Badjere. Li ajoute: "Nou gen yon chif pwovizwa 59 mò." Selon li menm, gen yon karantèn blese tou e li di: "Mwen sot kite zòn nan e mwen kite jèn yo ap chache kadav nan kay yo ak nan raje a."

Desiré Malo Dra, prezidan sosyete sivil menm administrasyon an di: "Mwen konte 53 kadav, e lòt kontinye ap vini. Nou sot mennen 36 blese nan sant sante Bule la."

XS
SM
MD
LG