Nan peyi Ajantin, otorite yo fè konnen doktè jwenn prezidan Cristina Fernandez de Kirchner genyen kansè nan tiroyid.
Daprè yon pòtpawòl gouvènman an ki t ap pale ak laprès madi 27 desanm 2011 la, yon dyagnostik te dekouvri kansè a semèn pase a, pandan lidè Ajantinn nan t al fè yon vizit routin kay doktè.
Daprè medsen yo, time a pa gaye nan pati vital kò Madanm Kirchner ki genyen pou l sibi yon operasyon nan dat 4 janvye 2012 la. Aprè sa, l ap pran yon konje maladi k ap dire jous nan fen mwa janvye a.