Accessibility links

Prezidan Obama Felisite Repiblik Dominikèn pou èd li Bay Ayiti

  • Ronald César

6 mwa aprè tranblemanntè ki te sakaje peyi dayiti a, prezidan Etazini an Barack Obama felisite prezidan Dominiken an Léonel Fernandez pou asistans repiblik dominikèn bay Ayiti aprè seism la. Prezidan Obama fè deklarasyon sa a pandan l t ap rankontre ak prezidan Fernandez nan la mezon blanch nan jounen lendi 12 jiyè a.

Prezidan Obama di « younn nan premye mesaj mwen vle delivre se apresyasyon mwen pou wòl repiblik dominikèn te jwe lè l te ede kominote entènasyonal la fè fas ak kriz Ayiti a aprè tranblmenntè ki devaste peyi a. Epi, mwen panse ke wòl repiblik dominkèn jwe a, e wòl prezidan Fernandez jwe an patikilye, se yon wòl ekstraòdinè lè li te ede fasilite yon repons rapid pou kriz Ayiti a. Sa ede sove lavi plizyè moun, e efò sa yo ap kontinye nan moman n ap chèche wè kijan nou ka rebati Ayiti yon fason k ap bon non sèlman pou pèp ayisyen an, men tou pou tout peyi nan rejyon an. »

Se te deklarasyon prezidan Etazini an Barack Obama pandan l tap rankontre ak prezidan Dominiken an Léonel Fernandez nan la mezon blanch nan jounen lendi a. Pandanstan, sekretè deta Etazini an, Hillary Clinton pibliye yon deklarasyon ki fè konnen pandan y ap komemore 6èm mwa anivèsè tranblenntè Ayiti a, Etazini ap sonje tout mounn ki te pèdi lavi yo oubyen ki te pèdi fanmi yo nan trajedi sa a. Madam Clinton kontinye pou l di 6 mwa aprè tranblenntè a, Etazini genyen menm detèminasyon an pou l kanpe ansanm ak pèp ayisyen an a-lon-tèm. Sekretè deta Clinton dini pa di : Etazini pran angajman pou l ede pèp ayisyen an reyalize vizyon li pou l genyen yon nasyon ki miyò.

Klike sou ikòn MP3 ki anwo e adwat atik sa a pou w koute yon repòtaj Serge Rodriguez.

XS
SM
MD
LG