Accessibility links

Breaking News

Prezidan Barack Obama Ap Delivre Madi Swa Diskou Sou Eta Inyon an


Prezidan Obama panda yon diskou sou Eta Inyon (foto achiv an 2011)
Prezidan Obama panda yon diskou sou Eta Inyon (foto achiv an 2011)

Washington ap prepare l pou diskou sou Eta Nasyon an, Prezidan Barack Obama dwe delivre madi swa devan 2 chanm Kongrè a nan kapital federal la, Washington DC. Lamezon Blanch fè konnen prezidan Obama pral abòde 3 gran tèm nan mesaj li a, e opozisyon repibliken an tou deja bay yon apèsi sou repons li pra l bay diskou lidè ameriken an.

Dapre pòtpawòl Mezon Blanch lan, Jay Carney, prezidan Obama pral mete devan peyi a pwogram gouvènman li an pou 6 zyèm ane li nan Biwo Oval la--yon mesaj ki pral santre sou gwo twou, k ap vin pi laj chak jou, ki separe moun rich ak moun pòv yo Ozetazini.

Misye Careney di "“Prezidan an wè ane sa a kòm yon ane aksyon pou l travay ak Kongrè a nan domèn sa posib, e pafwa san kongrè, lè sa nesesè pou l rale monte konpatriyòt ki vle gen aksè nan klas mwayèn nan".

Repibliken yo dakò sou nesesite pou kreye plis opòtinite ekonomik, men yo kontinye pou di se prezidan an ki kanpe ankwa sou wout opòtinite yo. Samdi pase, senatè Roy Blunt, te bay yon avan gou sou fason Pati Repibliken an pral reponn mesaj prezidan Barack Obama pra l delivre aswè a nan diskou sou Eta Inyon an.

Senatè Blunt te deklare: “Sa prezidan an pa rive rekonèt, se : Ameriken yo ap soufri e se konsekans pwòp politik li yo. "Pwogram gouvènman sa a pou l kreye plis entèvansyon leta, depanse tribòbabò, enpoze plis taks, ogmante dèt peyi a kreye kriz inegalite opòtinite nan peyi nou an. Politik sa yo frape pi di sila ki pi pòv pami nou yo pandan 5 dènye ane yo".

Depite Cathy McMorris Rodgers, yon gwo kritik sa li rele "aktivism gouvènman prezidan Obama a nan administrasyon piblik la, pral prezante repons opozisyon repibliken an apre mesaj prezidan an".
“Lè Washington se pi gwo baryè ki anpeche kwasans ekonomi a, genyen yon pwoblèm, dapre depite Rogers.

Pòtpawòl Lamezon Blanch, Jay Carney, reponn pou di kritik repibliken yo mal fonde e l pa teni kont sa k pase vrèmanvre pandan 5 dènye ane yo. "te genyen yon bann moun ki tonbe nan lamizè akòz pi move resesyon depi Gwo Depresyon an ki t ap vale teren nan moman menm prezidan Obama t ap prete sèman an".

Pa gen anpil obsèvatè ki panse diskou prezidan an pral debouche sou aksyon bi-partite (Demokrat ak repibliken k ap kolabore pou travay ansanm nan benefis sitwayen yo) nan yon Kongrè divize.

Pou yo, diskou a se pra l jiska la fen yon apèsi sou lit ak retorik politik ant diferan aktè yo nan ane elektoral sa a kote tout syèj nan Kongrè pral nan konpetisyon pou renouvle manm Chanm Reprezantan an (Chanm Depite a) plis yon tyè sena-a,

XS
SM
MD
LG