Accessibility links

Breaking News

Prezidan Jovenel Moise Revoke Direktè ULCC a, Mèt Claudy Gassant


Logo ULCC, Unite de Lutte Contre la Corruption.

Prezidan Jovenel Moise pibliye yon arete poul revoke direktè Unite de Lutte Contre La Corruption mèt Claudy Gassant. Mèt Claudy Gassant, ki te okipe pòs la depi 29 Novanm 2019, te nan bouch louvri ak minis afè etranjè gouvènman demisyonè a Bocchit Edmond apre li te arete an 2 okazyon yon diplomat ayisyen ki an pòs an Repiblik dominikèn pou fo e izaj de fo. Nan chak okazyon komisè ai Pòtoprens la libere diplomat la.

Prezidan ayisyen an Jovenel Moise te patisipe nan jounen pòt ouvèt nan biwo Unite de Lutte Contre La Corruption (ULCC) pou sansibilize popilasyon an ak moun k ap travay nan leta sou nesesite pou fè deklarasyon patrimoine yo kidonk byen yo posede anvan yo te fonksyonè leta ayisyen.

Prezidan Moise te deklare vizit li fè nan enstitisyon an pèmèt li genyen yon meyè konpreyansyon sou nesesite pou lit kont koripsyon an kontinye. Lidè ayisyen an pwofite okazyon an pou l pale de asistans finansye e teknik li mande òganizasyon Eta Ameriken yo pou ede nan lit kont koripsyon.

Direktè ULCC a mèt Claudy Gassant te bay ajan fonksyon piblik yo jiska 31 janvye pou deklare patrimwann yo.

XS
SM
MD
LG