Prezidan Ekwatè a, Guillermo Lasso mete fen nan pwosesis palman an te tanmen pou revoke li apre li disoud palman an ke opozisyon an dirije e ki te akize l de detounman lajan.
"Pou bay Ekwatè yon solisyon konstitisyonèl, mwen deside aplike Atik 148 Konstitisyon Repiblik la, ki banmwen pouvwa disoud Asanble Nasyonal la akoz yon kriz politik grav epi zizani entèn."
Prezidan zèl dwat la demanti akizasyon yo lanse kont li.
"Akizate yo obsede ak lide pou yo kraze gouvenman mwen se yon resantiman sipè-imen ki motive yo. Sepandan yo paka jwenn oken prèv kont mwen."
Prezidan zèl dwat la demanti akizasyon an. Li kapab gouvène peyi a pa dekrè pandan 6 mwa dapre konstitusyon Ekwatè.
Kounyea, konsèy elektoral nasyonal la gen 7 jou pou l oganize eleksyon prezidansyèl ak lejislativ, ki dwe dewoule nan 90 jou.
Elu yo pral ranpli manda Lasso ak palmantè li dechouke yo, ki sipoze fini nan mwad Me 2025.
Lasso disoud palman an jodi Mèkredi a.
