Daprè jounal ameriken, The Washington Post, fondatè pwogram nikleyè pakistanè a, Abdoul Qadeer Khan, bay prèv ki montre Kore di Nò te peye kèk ofisye wo-grade nan lame pakistanèz la plis pase 3 milyon dola pou yo te fè Pyongyang jwenn teknoloji nikleyè nan ane 90 yo.
Jounal la fè konnen misye Khan pibliye kèk dokiman ki bay detay sou transfè teknoloji a --pami dokiman sa yo genyen yon lèt yon otorite nò-koreyen te ekri li pèsonèlman nan ane 1998.
Washington Post kontinye pou l di sèvis espyonaj peyi oksidantal yo panse lèt la se yon bon jan dokiman e li gen ladan n kèk detay “tòp sekrè” ke sèl yon ti ponyen moun nan Pakistan, Kore di Nò e Ozetazini konnen. Otorite pakistanè yo reyaji pou yo di lèt sa a se yon fo; e sa sèlman misye Khan ap eseye fè, se lage blam nan sou do lòt moun.