Accessibility links

Etazini: Prezidan Donald Trump Fè Konnen Pa Ben Latwoublay nan Lamezon Blanch

  • Ekip Sèvis Kreyòl VOA

Prezidan Ameriken an, Donald Trump.

Pandan Prezidan Donald Trump t ap voye Tweet pou di ke pa gen boulvès nan Mezon Blanch, li fè antre nan kay la lendi 31 jiyè 2017 pase a yon jeneral Kò Merin retrete ki pa jwe nan travay li, John Kelly, kòm chef pèsonel, pou l ka retabli lòd nan yon administrasyon ki nan latwoublay depi 6 mwa, kote gen fo pa, chanjman nan pèsonèl la, ak fuit enfòmasyon ki al jwenn laprès.

Anthony Scaramucci, Direktè kominikasyon Mezon Blanch la ki te oblije pran wout pòt la 11 jou apre li te jwenn jòb la. Washington, 25 jiyè 2017.
Anthony Scaramucci, Direktè kominikasyon Mezon Blanch la ki te oblije pran wout pòt la 11 jou apre li te jwenn jòb la. Washington, 25 jiyè 2017.

Kèk èd tan apre, Direktè kominikasyon Mezon Blanch Anthony Scaramucci te pran wout pòt la, yon siy ke John Kelly ap tabli otorite l, yon jan ke Reince Priebus ke li ranplase a patt janm reyisi fè l kòm gadyen Biwo Oval la.

Revokasyon sanzatann Mesye Scaramucci a rive sèlman plis pase yon semèn apre li te antre nan djòb Mezon Blanch la ak gwo bri. Li te fè tout anplwaye-yo gen frison lè l te di l ap revoke tout moun ke li sispèk k ap fuite enfòmasyon bay laprès. Li pa t pran tan pou l gen pwoblèm lè l te rele yon repòtè magazin The Yorker nan telefòn pou l joure l, bagay ki te fè pèsonèl Mezon Blanch la wont.

XS
SM
MD
LG