Nouvèl yo fè konnen Prezidan Barack Obama ak lidè demokrat nan Kongrè a sanble ap anvizaje posiblite pou Leta federal ameriken ogmante a kou-tèm nivo dèt nasyonal Lèzetazini an yon fason pou anpeche gouvènman an gen reta nan pèman dèt li.
Nan menm kout-kat la, sa t ap pèmèt yo elimine yon enpas ki genyen nan negosyasyon k ap fèt sou dosye a ant Misye Obama ak lidè repibliken nan Kongrè a.
Ajans nouvèl Reuters ekri pou l di antant misye Obama ta jwenn sou kesyon an ak palmantè demokrat yo, t ap konsènen bezwen peyi a genyen pou l prete lajan pandan 7 mwa.
Kongrè a fèt pou l apwouve yon ogmantasyon 14 Milya 300 Milyon dola pou plafon dèt federal la anvan dat 2 out 2011 la.
Daprè sa administrasyon Obama di, 11 out se dat kote gouvènman an pap gen lajan ankò pou l peye lajan li prete.