Accessibility links

Breaking News

Plis Pase 4000 Migran ki Nan yon Stad o Meksik ap Mande Viza Refijye


Pami migran sa yo, gen ayisyen ak moun ki sòti nan Amerik Santral la,

Gwoup migran ki rasanble nan Estad Olympic vil Tapachula, nan Eta Chiapas, te lakòz Enstiti Nasyonal Migrasyon an anile jiska nouvèl òd livrezon viza imanitè li te prevwa yo.

Daprè kalkil ki fèt, anviwon 3,000 Ayisyen ak yon lòt gwo gwoup migran ki sòti nan Amerik Santral la, twouve yo nan Estad Olympic vil Tapachula, nan Eta Chiapas. Konpòtman yo lakòz Enstiti Nasyonal Migrasyon an anile jiska nouvèl òd livrezon viza imanitè li te prevwa yo.

Manm Gad Nasyonal Meksik la te rive sou plas pou yo te eseye mete kontwòl sou migran yo, men yo pa t reyisi; kidonk pèsonèl migrasyon an te fin pa deside pati kite stad la.

Kèk migran te vin santi kòmkwa yo te pran nan yon kout pa konprann, epi yo te lanse avètisman pou di, si yo pa jwenn okenn repons nan men Enstiti Nasyonal Migrasyon sou livrezon viza imanitè yo, y ap retounen nan karavàn lan ki mete tèt pou Etazini.

Kèk ayisyen fè konnen yo pa p pati avek karavàn lan; men migran santwo-ameriken yo di: "Wè pa wè, se Etazini li ye."

XS
SM
MD
LG