CAIRE —
Ajans elektoral peyi Libi anonse pitit gason ak eritye defen diktatè Moammar Gadhafi a anonse kandidati li pou prezidans peyi a. Eleksyon an gen pou dewoule mwa pwochen.
Ajans elektoral la fè konnen nan yon deklarasyon li pibliye Dimanch, ke Seif al-Islam remèt papye kandidati li yo nan vil Sabha nan sid peyi a.
Yo te mete pitit gason Gadhafi a anba kòd nan fen ane 2011 pandan yon revòlt popilè ki te ranvèse Gadhafi sou pouvwa a apre 40 an. Moammar Gadhafi limenm te mouri apre sa pandan batay ki te pete ki te vinn tounen yon gè sivil.
