Washington —
Lalinn nan te plèn Mèkredi swa e an menm tan tou, li te pi pre ak planèt tè a ke d'abitid. Konbinezon sa a rele sipèlin.
Pwoksimite Lalinn nan ak planèt Tè a kapab lakoz lin nan sanble li pi gwo, ak pi klere si syèl la pa gen twop nuaj.
Savan yo rele plèn lin Mèkredi a "Buck moon" - ki se yon referans ak epok ane a kote sèf mal yo ap pouse nouvo konn nan tèt yo. Ann angle yo rele yo "bucks" (jèn mal sèf).
Sipèlin ki te vizit 14 Jyen an te rele "Strawberry moon" (lalin frèz la) paske li te gen menm koulè ak frèz le rekolt la pare pou keyi.
