Accessibility links

Breaking News

OMS: Se pa Moman Pou'n " Bese Lèbra" kont COVID-19 la


Tedros OMS

Genyen yon gwo bout chimen pou ki fè ankò anvan nou jwenn bout pandemi COVID-19 a travè lemond. Sa se avètisman direktè Oganizasyon Mondyal Lasante a , Dr Tedros Adhanom Ghebreyesus

Ghebreyeus deklare "Se pa moman pounn bese lèbra e ajite drapo blan nou. Nou kapab redwi anpil enpak vag k ap pase konnye a lè nou pataje e itilize ak efikasite zouti lasante yo ak mezi sante piblik yo".

Maria Van Kerkhove, yon spesyalis nan COVID-19 k ap travay tou nan OMS ale nan sans la ak kek statistik. " Se pa moman pou nou abandone yon estrateji. Gen moun ki di Omicron nan, se dènye varyan an, apre sa se fini. Se pa vre, viris ap sikilite seryezman nan lemond antye…genyen yon ogmantasyon 20% ka yo nan lemond nan 7 jou ki sot pase la-yo avek 19 milyon nouvo ka, (sa ki piti pa rapò ak chif reyèl la ) e genyen 45 mil moun ki mouri chak semèn".

Sepandan, 11 janvye ki sot pase la-a, Ajans ewopeyèn medikaman (EMA) presize menm si maladi a toujou rete nan stad pandemi, pwopagasyon varyan Omicron nan pral fè COVID-19 tounen yon maladi andemik (sa vle di yon maladi k ap la anpèmanans) e ke limanite pral aprann viv avè l.

Pandansetan deba yo ap kontinye sou vaksen yo ki mwen efikas pa rapò transmisyon Omicron, men espesyalis yo revele vaksen yo anpeche anpil fwa pou moun yo pran fòm grav maladi a e pou yo ta mouri . An atandan yo vin ak sa yo rele vaksen « polivalan an » ki ka pi efikas, OMS kontinye ap mande popilasyon an pou l pran vaksen ki disponib yo e respekte tout konsèy ak konsiy otorite sanitè yo bay yo.

XS
SM
MD
LG