Accessibility links

Kore di Nò Fè Konnen Lap Kontinye Fè Tès Misil Malgre Sanksyon l ONU yo

  • Ekip Sèvis Kreyòl VOA

Lidè Nò Koreyen an, Kim Jung Un, nan mitan, kap pale ak kèk manm nan wo eta majò lame Kore di Nò a. Foto: 13 Novanm 2016.

Kore di Nò pran angajman lendi 7 out 2017 la pou l pèsiste nan pwogram devlopman zam nikleyè li a, kote li rejte apèl kominote entènasyonal la lanse pou mande l kanpe ak aksyon militè agresiv li yo.

Pyongyang konsidere nouvo sanksyon l ONU yo kont li a pou tès misil yo se yon gwo vyolasyon souverènte peyi a. Avan sa a, Sekretè Deta ameriken an, Rex Tillerson, fè konnen jodi lendi a, pi bon demach Kore di Nò kapab fè pou demontre volonte kòmkwa li ta pare pou l fè dyalòg, se pou l sispann fè tès misil.

Chèf Diplomasi Etazini an, Rex Tillerson, pandan li tap patisipe nan 50èm Somè Ministeryèl ASEAN a nan Malina, Filipin, 6 out 2017.
Chèf Diplomasi Etazini an, Rex Tillerson, pandan li tap patisipe nan 50èm Somè Ministeryèl ASEAN a nan Malina, Filipin, 6 out 2017.

Mesye Tillerson kontinye pou l di: “Nou pa kite anpil tan pase pou nou pa poze yon aksyon pou pwovoke moun, kote yo lanse misil balistik. Kidonk, mwen panse pi gwo siyal Kore di Nò ta kapab voye banou, se kanpe sou tès misil balistik lap fè yo.”

Chèf diplomasi Lèzetazini an fè deklarasyon sa a nan moman lap patisipe nan somè asosyasyon peyi azi sidès yo nan vil Maniy, kapital peyi Filipin. Samdi pase a, Mesye Tillerson te fè konnen vòt ki dewoule nan Nasyon Zini, kote Konsèy Sekirite a adopte a linanimite nouvo sanksyon kont Pyogyang, se yon vòt pou fè rejim Kim Jung Un nan konnen nan kominote entènasyonal la twouve lansman misil balistik lap fè yo kòm yon aksyon inakseptab.

XS
SM
MD
LG