MANAGUA —
Gouvènman Nikragweyen an sezi ansyen anbasad ak biwo diplomatik Taiwan yo e li deklare se pwopriyete La Chin yo ye.
Gouvènman Daniel Ortega a kraze relasyon diplomatik ak Taiwan pi bonè mwa sa a e li rekonèt La Chin kominis pito.
Anvan yo te kite Nikaragwa, diplomat Taiwanè yo te eseye fè achidiyosèz Katolik Women Managua a kado pwopriyete li. Sepandan gouvènman Ortega a deklare Dimanch, nempòt donasyon Taiwan fè pap valid e ke bilding yo genyen nan yon katye rich Managua, se pwopriyete La Chin li ye.
Biwo avoka gouvènman an deklare tantativ pou fè donasyon an se yon tantativ pou kache verite. Taiwan bò kote pa li denonse mezi sa a pou pran kontwòl pwopriyete li ke li dekri kòm "gravman ilegal".
