Accessibility links

Breaking News

Daprè 2 Jounal, Prezidan Trump Te Eseye Revoke Pwokirè Jeneral Robert Mueller

  • Ekip Sèvis Kreyòl VOA

Prezidan Trump (adwat); Prokirè Robert Mueller (agoch).
Prezidan Donald Trump rejte nouvèl 2 jounal ameriken, New York Times ak Washington Post, pibliye pou di prezidan an te pran dispozisyon, nan mwa jen 2017 la, pou l te fè revoke pwokirè espesyal Robert Mueller; men misye Trump te vin fè bak aprè avoka-konsèy La Mezon Blanch la te menase pou l bay demisyon li pase pou l egzekite yon lòd konsa.
Pandan prezidan an ap patisipe nan Fowòm Ekonomik Mondyal la nan Davos, nan peyi Laswis, li di nouvèl sa a "se yon fo nouvèl", "se nouvèl fòlklorik fo", "se fò nouvèl tipik New York Times abitye bay."
Mèt Muelller ak mennen ankèt sou akizasyon ki di responsab kanpay elektoral Trump la te antre nan konbinezon avèk Larisi pou yo enfliyanse rezilta eleksyon prezidansyèl 2016 la Ozetazini. An menm tan tou pwokirè a ap chache fè limyè sou posiblite pou La Mezon Blanch te eseye bloke travay lajistis.
XS
SM
MD
LG