Accessibility links

Breaking News

Nan Arizona, Pence Eksprime Kè Sote pou Sityasyon Frontyè Etazini


Ansyen Vis Prezidan Etazini Mike Pence pale sou sekirite sou frontye Etazini nan vil Phoenix, eta Arizona, Lendi 13 Jyen 2022.

Ansyen Vis Prezidan Etazini Mike Pence al vizite frontyè eta Arizona pataje ak Meksik Lendi.

Gen kèk moun ki konsidere Pence tankou youn nan kandida ki gen plis chans pou ranpote nominasyon pati Repibliken an pou ane 2024 la.

Pence di medya Ameriken yo finn bliye kestyon frontyè a men pèp Ameriken an sonje.

" Vreman vre mwen kwe nou nan mitan yon trajedi Ameriken. E li trajik ke medya nasyonal nou yo prèske pa okipe sakap pase sou frontyè sid nou an ditou. Jan Direktè Roemer di'l la, se yon bagay ki koute lavi Ameriken sou tou 2 bo frontyè a," ansyen vis prezidan an deklare.

"Mwen fyè de dosye nou men m'ta renmen di noumenm ki abite sou frontyè a ke toupatou mwen vizite kitse lakay mwen Indiana, kitse lot eta, Ameriken apiye nou e yo gen gwo ke sote pou defi kominote sa a gen pou l lefe. E mwen kwè ke byento pèp Ameriken an pral eli yon nouvo jenerasyon dirijan ki pral asire awondisman Cochise nan Arizona ak nou tout la a ki kanpe chak jou sou prensip ke sekirite frontye nou se sekirite nasyonal nou - eben asistans ap rive jwenn nou," li ajoute.

Pence pwononse yon diskou nan vil Phoenix pi ta nan jounen an sou kestyon sekirite frontyè a.

Gouvènè eta Arizona Doug Ducey teste pozitiv pou COVID-19, kidonk li pat asiste evenman politik yo ak Pence Lendi.

Dapre pot pawol li, Ducey pa gen okenn sentom, e li santi'l byen.

Tou le 2 politisyen yo ap travay pou anplifye mesaj pati Repibliken an sou kestyon frontyè a ke yo konsidere tankou yon kestyon politik pwisan.

Ducey se ko-direktè Asosyasyon Gouvènè Repibliken yo. Pence se yon ansyen gouvènè eta Indiana.

Enfomasyon pou repotaj sa a soti nan Associated Press

XS
SM
MD
LG