Byen bonè nan jounen vandredi 2 zout 2019 la, Lèzetazini wete kò l nan Trete Entènasyonal sou Zam Nikleyè Pòte Entèmedyè yo yon fason pou l kapab devlope pwop ojiv nikleyè pa l. Washington pran desizyon sa a apre Larisi te derefize detrui yon seri de misil tou nèf li genyen e ki, daprè l'OTAN, reprezante yon vyolasyon trete a. Sekretè Deta ameriken an, Mike Pompeo -ki t ap abòde dosye a nan menm jounen vandredi a, deklare:
"Larisi pa rive konfòme l totalman e yon fason verifyab avek trete a; pou l te fè sa, li te dwe detrui sistèm misil li a ki pa ni 2 ni 3, ke yon vyolasyon trete a; nap pale de misil SSC-8 li a, ak misil de kwasyè a pòte entèmedya l la-- 2 tip misil li kapab lanse sou latè. Si Trete a pa kenbe, sèl peyi ki responsab sa, se Larisi... Lezetazini pa p rete nan yon trete alòske li klè Larisi vyole li.. Le fèt ke Moskou pa respekte trete a, se mete an danje enterè siprèm Lèzetazini; e le fèt ke Larisi ap devlope yon sistèm misil ki vyole trete a, reprezante yon menas dirèk pou Lèzetazini, pou alye ak patnè nou yo."
Prezidan Donald Trump gen asirans siyati yon lòt antant toujou posib pou ranplase yon trete istorik 2 peyi yo te jwenn nan epòk Lagè Frèt la.