Minis Afè Etranjè peyi Lalmay la, Guido Welvetsell, vizite Ayiti dimanch 17 jiyè 2011 la pou l te fè chita-tande avèk otorite ayisyen yo nan moman peyi karayib la ap fè fas ak anpil defi -sou plan politik, ekonomik, sante, elatriye.
Nan yon rankont ak laprès Prezidan Michel Martelly fè aprè li te fin rankontre ak Misye Welvetsell, li di chita-tande a ba li anpil satisfaksyon. Tou lè 2 lidè yo fè konnen yo rete angaje pou yo ranfòse rapò ak kowoperasoyn ant 2 peyi yo.
Pami domèn entèvansyon yo, Misye Martelly site elektrisite, edikasyon, tourism ak kreyasyon travay. Bò kote pa l, chèf diplomasi alman an ensiste pou l di peyi Dayiti bezwen stabilite.