Manifestan grèk k ap pwoteste kont dènye mezi mare-senti gouvènman premye minis Panpadreou a, enben yo antre nan lese-frape ak lapolis nan kapital-la , Atèn.
Gen plizyè dizèn milye pwotestatè ki desann sou beton an nan kap fè yon grèv jeneral k ap dure 2 jou.
Manifestan nan Atèn voye woch ak bonm atizanal sou polisye sou plas Syntagma a ki tou pre palman an.
Polisye grèk yo reponn kif-kif ak gaz lakrimojèn yo tire sou manifestan yo.