Yon tribinal nan peyi Filipinn lanse yon manda darè kont ansyen Prezidan Gloria Arroyo anba akizasyon kòmkwa li ta komèt gwo magouy nan eleksyon 2004 e 2007 yo .
Desizyon sa soti kèlke zè apre Konsèy Elektoral Filipinn nan apwouve akizasyon fwòd elektoral ki t ap peze sou do ansyen lidè a.
Konsèy Elektoral la di pi gwo pèn pou yo fwòd konsa se prizon avi. Manda sa a anpeche Madam Arroyo kite peyi a .
Madam Arroyo ak mari li t ap eseye kite peyi a madi ki sot pase la a kote yo di yo t ap fè yon vwayaj medical pou yon maladi zo .
Otorite yo te bloke yo nan aewopò Manille la e anpeche yo pati paske yo te anba envestigasyon .