Otorite nan Inyon Ewop ak l'OTAN ap ekzòte Masedwan pou l pouse pou pi devan ak fòmalite pou chanje non peyi a, sa ki ta pare teren pou ka antre nan tou le 2 òganizasyon sa yo.
Komisè pou agrandi Inyon an, Johannes Hahn, fè konnen nan yon tweet ke li atann ke tout lidè politik yo respekte desizyon sa a, e pran responsablite pou yo ini dèyè desizyon an, kelkeswa pati politik yo.
Dapre sondaj ofisyèl komisyon elektoral-la, plis pase 90 pousan moun ki reponn kesyon dakor pou Masedwan vin rele Masedwan Nò malgre se sèlman yon tyè nan elektè yo ki vote.