Lidè peyi Karayib yo rankontre ak prezidan Komisyon ak Konsèy Ewopeyen an pandan yon rankont o somè peyi Amerik Latin yo te asiste tou nan vil Brusèl nan Bèljik Lendi 17 Jiyè a.
Plis pase 50 lidè ap patisipe nan rankont EU-CELAC la kap dire 2 jou. Se premye fwa depi 8 an ke somè a ap dewoule. Unyon Ewopeyen an espere renouvle lyen li ak rejyon an.
Sepandan diskisyon sou kominike somè a mete limyè sou diferans ki egziste ant lidè yo sou fason pou yo fè fas ak lagè Ikrèn nan epi wol Ewop te jwe nan esklavaj.
