Accessibility links

Breaking News

Mwayen Oryan

Libi: Piti Gason Gadhafi Diskalifye Kòm Kandida Pou Eleksyon Prezidansyèl

Foto Achiv: Seif al-Islam Gadhafi pale ak lapres nan Tripoli, peyi Libi, 25 Fev. 2011.
Foto Achiv: Seif al-Islam Gadhafi pale ak lapres nan Tripoli, peyi Libi, 25 Fev. 2011.

Komite Elektoral Libi a diskalifye pitit gason ex-diktatè Moammar Gadhafi a kòm kandida pou eleksyon prezidansyèl ki pral dewoule mwa pwochen an. Komite a site kòm rezon, plizyè kondanasyon nan tribinal misye te resevwa nan le pase.

Non Seif al-Islam Gadhafi a te parèt sou yon lis kandida ki pa elijib pou eleksyon an, ke komite a pibliye Mekredi. Li ka konteste desizyon sa a devan tribinal nan jou kap vini yo.

Eleksyon prezidansyèl fikse pou 24 Desanm, apre plizyè zane tantativ LONU te dirije pou mete fen nan lage sivil peyi a.

Seif al-Islam te resevwa yon kondanasyon a mò an 2015 pou zak vyolans li te komèt kont manifestan yo pandan yon revòlt an 2011. Tribinal Krim Entènasyonal la asiyen'l tou pou krim kont l'imanite ki gen rapò ak revòlt sa a.

See all News Updates of the Day

Izrayèl Touye Omwen 104 Moun epi Blese Dè Santèn Palestinyen Ki Tap Tann Èd Imanitè

Palestinians transport casualties following what Palestinian health officials said was Israeli fire on people waiting for aid in Gaza City, in this still picture taken from a video, Feb. 29, 2024. (Reuters TV via Reuters)
Palestinians transport casualties following what Palestinian health officials said was Israeli fire on people waiting for aid in Gaza City, in this still picture taken from a video, Feb. 29, 2024. (Reuters TV via Reuters)

Ministè Sante Gaza a fè konnen Izrayèl touye pou pi piti 104 moun epi blese dè santèn lòt lè yon foul Palestinyen t ap tann èd imanitè nan vil Gaza.

Ensidan sa a rive nan kalfou rond point al Nabusi nan pati lwès vil la.

Lame Izrayèl la di nan yon kominike ke dè douzèn moun blese pandan len t ap pouse lòt, kote yon foul moun t ap chache pran èd nan kamyon pandan yon livrezon nan nò Gaza. Lame a di ankò gen ankèt ki ap fèt sou ensidan an.

Yon lòt kote nan Gaza, Fòs Defans Izraelyen yo rapòte ke yo lanse operasyon atè nan nò Gaza, epi lanse frap aeryen nan zonn Khan Younis nan sid la.

Nan vil Jenèv, an Swis, responsab dwa moun nan l-ONU Volker Turk di ke tou le 2 kan yo nan lagè Izrael-Hamas la komèt krim lagè.

Nasyon Zini: Gwo Famin Grangou Riske Gaye nan Gaza

Israel Palestinians Cease fire Deal Explainer
Israel Palestinians Cease fire Deal Explainer

Plizyè responab sèvis imanitè Nasyon Zini avèti ayè mèkredi a ke yon gwo famin grangou riske gaye nan Gaza si lagè-a pa sispann san pran tan.

“Si anyen pa fèt, nou kwè ke preske pa gen mwayen pou evite famin gaye nan Gaza,” se pawol Ramesh Rajasingham, ki se direktè divizyon kòdinasyon nan biwo imanitè l-ONU an.”

Li te pale konsa nan yon reyinyon Konsèy Sekirite l-ONU-an ki te fèt sou demann Aljeri, Giyàn, Sloveni ak Swis, pandan gen gwo enkyetid ke moun ap sèvi ak grangou kòm zam.

Li di : « Malerezman, malgre tout jan nou wè sityasyon an malouk jounen jodia, gen tout posiblite pou li vin pi grav toujou. »

Izrayèl Lanse Atak Aeryen nan Liban

Men check the site of an Israeli air strike that targeted a house in the southern Lebanese village of Jibshit on February 27, 2024.
Men check the site of an Israeli air strike that targeted a house in the southern Lebanese village of Jibshit on February 27, 2024.

Izrayèl di jodi mèkredi a li lanse frap aeryen ki te vize depo zam Hezbollah nan sid Liban, e ke li bare plizyè wokèt ki te soti Liban e ki te vize Izrayèl.

Lame Izrael la rapòte nouvo frap sou zonn Khan Younis nan sid Gaza, ansanm ak operasyon atè nan zonn sa a ak nan nò Gaza.

Ministè sante-a ke Hamas dirije rapòte jodia ke 76 moun pou piti pèdi lavi nan operasyon Izrael la. Pou pi piti 29-mil-954 moun pèdi lavi depi lagè a te tanmen nan mwa Oktob, ak 70.325 lòt ki blese.

Medyatè pou Izrael, Hamas ak Katar, yo tout minimize ayè madi a pawol Prezidan Etazini Joe Biden ki di ka gen yon antant anvan lontan pou kanpe lagè Izrael ak militan Hamas la ki la depi 5 mwa epi lage otaj yo.

Hamas ap konsidere yon pwopozisyon ki te jwenn akò Izrael, nan chita-koze ak medyatè nan Pari semenn pase a, pou yon kanpo 40 jou nan batay yo nan mwa Ramadan an, kote Mizilman ap jene, sa ki ta premye kanpo long nan lagè a.

Yon Sòlda Ameriken Eseye Mete Dife Sou Tèt li Devan Anbasad Izrayèl nan Washington

U.S. Embassy at the Green zone in Baghdad
U.S. Embassy at the Green zone in Baghdad

Dimanch 25 Fevriye, yon sòlda ameriken te soti blese seryezman pandan li t ap eseye mete dife sou li andeyò anbasad Izraelyèn nan Washington. Dapre sa medya lokal yo rapòte, misye t ap pwoteste kont lagè Gaza a.

Sèvis ijans yo te kouri ale sou plas yon ti tan anvan 1:00 p.m. (6:00 p.m. GMT) pou reponn yon "apèl konsènan yon moun ki pran dife devan anbasad Izraelyèn nan", dapre sa sèvis ponpye Washington te di sou rezo X.

Lè yo rive, yo jwenn ke Sèvis Sekrè a, sèvis pwoteksyon pou gwo ofisyèl nan eta Ameriken an, te deja etenn dife a.

Yo te mennen nonm lan lopital ak "blesi grav.

Yon pòtpawòl fòs aeryen konfime bay AFP ke li se yon manm aktif lame a, san li pa bay plis detay.

Bò kote pa l, anbasad Izrayelyen an fè konnen pa gen okenn manm pèsonèl ki te blese nan ensidan an e ke yo pa rekonèt militè Ameriken an.

Videyo ki te aparamman pibliye nan an dirèk sou Twitch, montre nonm nan ', an inifòm militè, e li deklare ke li "pa pral konplis nan yon jenosid" epi apre sa li mouye tèt li ak yon likid, epi, li eseye mete dife sou tèt li pandan li t'ap rele "Libere Palestine!" (Libere Palestine!), jiskaske li tonbe atè.

AFP pa t imedyatman kapab verifye videyo a. New York Times rapòte ke li te retire nan Twitch.

Zak sa a rive nan yon moman kote manifestasyon yo ap ogmante Ozetazini kont atak Izrayèl la nan Gaza, kote lame Izrayelyen an ap mennen yon lagè apre yon atak san parèy komando Hamas te fè 7 oktòb kote yo te enfiltre teritwa Izrayelyen an.

Abbas Aksepte Demisyon Gouvènman Palestinyen an

Abbas Aksepte Demisyon Gouvènman Palestinyen an
please wait

No media source currently available

0:00 0:03:16 0:00

Prezidan pouvwa palestinyen-an Mammoud Abbas aksepte demisyon gouvènman an pandan pandan lame Izrayelyèn nan kontinye ap pilonnen plizye anklav palestinyen-yo . Yon mizajou : Jeanty Augustin JR

Load more

XS
SM
MD
LG