Accessibility links

Breaking News

Mwayen Oryan

Libi: Piti Gason Gadhafi Diskalifye Kòm Kandida Pou Eleksyon Prezidansyèl

Foto Achiv: Seif al-Islam Gadhafi pale ak lapres nan Tripoli, peyi Libi, 25 Fev. 2011.

Komite Elektoral Libi a diskalifye pitit gason ex-diktatè Moammar Gadhafi a kòm kandida pou eleksyon prezidansyèl ki pral dewoule mwa pwochen an. Komite a site kòm rezon, plizyè kondanasyon nan tribinal misye te resevwa nan le pase.

Non Seif al-Islam Gadhafi a te parèt sou yon lis kandida ki pa elijib pou eleksyon an, ke komite a pibliye Mekredi. Li ka konteste desizyon sa a devan tribinal nan jou kap vini yo.

Eleksyon prezidansyèl fikse pou 24 Desanm, apre plizyè zane tantativ LONU te dirije pou mete fen nan lage sivil peyi a.

Seif al-Islam te resevwa yon kondanasyon a mò an 2015 pou zak vyolans li te komèt kont manifestan yo pandan yon revòlt an 2011. Tribinal Krim Entènasyonal la asiyen'l tou pou krim kont l'imanite ki gen rapò ak revòlt sa a.

See all News Updates of the Day

19 Moun Pèdi Lavi yo Nan yon Atak Swisid Nan Kaboul

19 Moun Pèdi Lavi yo Nan yon Atak Swisid Nan Kaboul
please wait

No media source currently available

0:00 0:01:42 0:00

Yon atak kamikaz ki rive nan kaboul ann afganistan vandredi 30 septanm nan touye 19 moun pou pipiti e blese plizyè dizèn lòt Repòtaj: Jean Robert Philippe

19 Moun Pèdi Lavi yo Nan yon Atak Swisid Nan Kaboul

A woman arrives on a motorbike to search for a relative at a hospital in Kabul on Sept. 30, 2022, after a blast in a learning center in the Dasht-e-Barchi area of Afghanistan's capital.

Kaboul, Afganistan (AP) — Yon pòtpawòl Taliban di yon kamikaz te koze lanmò 19 moun e 27 lòt te soti blese apre yon atak swisid ki te fèt nan yon sant edikasyon nan yon zòn chiit nan kapital Afganistan.

Bonm lan te eksploze nan moman kote plizyè santèn etidyan adolesan tap pran yon egzamen pou antre nan inivèsite, dapre sa yon temwen di korespondan AP.

Eksplozyon an nan katye Dashti Barchi nan Kaboul, kote yon bon pati nan popilasyon an se etni Hazaras, ki se manm kominote chiit la ki minoritè nan peyi Afganistan.

Pa gen okenn gwoup ki reklame responsablite pou atak la.

Gwoup Eta Islamik la - ki se prensipal rival Taliban yo depi lè yo te pran kontwòl Afganistan an nan mwa Out 2021 - te vize kominote Hazara nan pase a.

Responsab Biwo Dwa Moun l-ONU Kondane Koukou-Wouj Vyolan Fòs Sekirite Iran yo Fè nan Manifestasyon yo

Norway Iran

Responsab biwo dwa moun nan l-ONU kondane koukou-wouj vyolan fòs sekirite Iran yo dèyè manifestan ki move kou kong akoz lanmò yon jèn dam ke otorite yo te akize kòmkwa li pa te konfòme li ak regleman estrik sou jan medam dwe abiye nan Iran.

Manifestasyon te pete nan 15 pwovens peyi a apre lanmò Mahsa Amini anba men lapolis. Se nan dat 13 Septanm sa ki rele lapolis moralite te arete l poutèt li pa ta ranje vwal li sou tèt li kòmsadwa.

Biwo l-ONU pou Dwa Moun fè konnen li difisil pou jwenn chif ekzat sou kantite manifestan ke fòs sekirite yo nan Iran ta touye, blese oubyen arete. Se akoz restriksyon sou telekominikasyon. Laprès leta mete kantite moun ki tonbe yo nan 41.

Sepandan, dapre pòtpawòl l-ONU Ravina Shamdasani, òganizasyon non-gouvènmantal (ONG) k ap swiv sityasyon an rapòte plis moun ki pèdi lavi yo. Li di ke yon sous ke li ka fè konfyans rapòte 76 ka lanmò, pami yo fanm ak timoun.

Gad Revolisyonè Iran Deklanche yon Vag Atak Drone

Iran Protests

Gad Revolisyonè Iran an ki gen anpil pouvwa deklannche lendi yon vag atak drone ak pyès kanno ki vize sa Iran kalifye kòm baz Kurd separatis iranyen nan nò Irak, dapre sa yon ajans nouvèl semi-ofisyèl rapòte.

Se 2èm ofansiv konsa pa lòt bò fwontyè depi samdi, nan moman kote Iran ap goumen pou kontwole manifestan depi lanmò yon dam Kurd ki te gen 22 lane, ke lapolis moralite nasyon an te arete.

Yon reprezantan youn nan gwoup separatis yo nan Irak ke atak la te vize a – atak ki te frape zòn Sidikan nan rejyon nò Irak ke Kurd ap dirije – fè konnen pa gen moun ki viktim.

« Jodi-a se 3 fwa, Repiblik Islamik Iran-an bonbade flan Mòn Halgurd kote fòs nou yo baze, » se pawòl Atta Nasir, yon manm komite santral Komala, yon pati opozisyon kurd ke Iran te ekzile. Li te pale ak ajans nouvèl Associated Presse etan nan katye jeneral pati a toupre fwontyè Iran-Irak-la.

Teheran Akize Grand Bretay ak Nòvèj Deske Yap Foure Bouch Nan Zafè Peyi Iran

Ebrahim Raisi, yang menjabat sebagai presiden Iran bulan ini, berbicara dalam konferensi pers di Teheran, Iran 21 Juni 2021. (Foto: Majid Asgaripour/WANA via REUTERS)

Teheran reponn Grand Bretay ak Nòvèj deske, dapre li, peyi sa yo antre bouch yo nan zafè Iran e daprezavwa yo bay repòtaj, li di, ki moutre yo se lènmi peyi a nan rebelyon k ap dire nan Iran an. Sa ki te deklannche rebelyon sa a se lanmò yon jèn dam ki te anba men lapolis moralite peyi a poutèt li pa te pote vwal li kòmsadwa, dapre sa ajans nouvèl semi-ofisyèl IRNA rapòte dimanch.

Ministè Afè Etranjè Iran an te konvoke anbasadè Grand Bretay ak Nòvèj samdi a pou ba yo mesaj pwotestasyon gouvènman an.

Teheran pale de « karaktè rayisab » ki parèt nan laprès an lang peyi-a, lang perse, pandan li plenyen bay diplomat Nòvèj la sou pozisyon prezidan palman peyi sa a tankou li ta vle entèvni nan Iran, lè dirijan sa a te moutre sipò pou manifestan yo sou Twitter.

Jake Sullivan, konseye sekirite nasyonal Prezidan Etazini Joe Biden, di nan pwogram chèn televizyon ABC « This Week, » dimanch, ke manifestasyon nan Iran yo « reflete kwayans anpil moun ke manifestan yo merite pou peyi a respekte diyite yo ak dwa yo » e ke Etazini sipòte yo.

Load more

XS
SM
MD
LG