Accessibility links

Liberya-Eleksyon: Otorite yo Kontinye Konte Bilten yo apre Prezidansyèl Madi 26 Desanm nan

  • Ekip Sèvis Kreyòl VOA

Moun ki mete yo an liyn pou yo al vote yon yon biwodvòt nan vil Monrovya, nan Liberya. (Foto: 26 desanm 2017).
Nan peyi Liberya, sitwayen yo ap tann ak anpil pasyans rezilta 2èm tou eleksyon prezidansyèl yo ki pral bay yon ranplasan pou premye fanm ki prezidan jiskisi sou tout kontinan afriken an, Ellen Johnson Sirleaf.
Responsab elektoral yo kontinye ap depouye bilten vòt yo pou 2 kandida yo, swa vis-prezidan Joseph Boakai ak yon ansyen gwo vedèt foutbòl balon won, Georges Weah. Aprè Misye Weah te fin vote madi 26 desanm 2017 la, li predi se li ki pral ranpòte laviktwa. Ansyen foutbolè pwofesyonèl la deklare:
Vis-prézidan libéryan an, Joseph Boakai, ak ansyen jwè foutbòl e anbasadè bòn volonte UNESCO, Goerges Weah.
Vis-prézidan libéryan an, Joseph Boakai, ak ansyen jwè foutbòl e anbasadè bòn volonte UNESCO, Goerges Weah.
"Kè mwen kontan anpil, paske mwen konnen se mwen ki pral ranpòte eleksyon yo."
Georges Weah di viktwa li se yon bagay ki deja garanti, paske se kowalisyon li an kap ranpòte vòt popilè yo. Pandanstan, obsèvatè entènasyonal --pami yo genyen ansyen prezidan peyi Nijerya a, Jonathan Goodluck-- twouve yo nan zòn kote yap konte bilten; e yo di yo pa konstate okenn gwo pwoblèm nan depouyman vòt yo. Sa kapab pran plizyè jou anvan pou responsab elektoral yo pibliye rezilta definitif yo.
XS
SM
MD
LG