Accessibility links

Breaking News

Lavi a sou Okipasyon Larisi: Grangou, Lapèrèz ak Kidnaping


Yon dam netwaye kwizin ni ki chaje ak debri nan yon bilding ki sibi domaj pandan bonbadman La Risi nan vil Kyev, Ikren, Lendi 21 Mas, 2022.

Moun kapab wè anpil kay ki kraze sou lizyè fwontyè ki separe vilaj Bucha ak Irpin, nan Ikrèn, nan moman envayisè Larisi yo te rive nan Irpin sa gen kèk jou.

Jou sa a, 11 mas 2022 a, sòlda ris yo te antre lakay yon dam palafos epi, nan fouye telefòn potab papa l ak mari li, yo dekouvri kèk tèks-mesaj 2 zòm yo te voye bay Fòs Defans Teritoryal Ikrenyen an. Non dam nan se Anhelina. Nan yon mesaj li voye bay Lavwadlamerik, li deklare:

“Yo te arete mesye yo pou yo t al poze yo kesyon. M te rete chita nan yon kwen kote m t ap priye pou yo te retounen. “

Anhelina te gen chans. 2 mesye yo te retounen vre epi yon kòmandan ris “ki renmen timoun” te di sòlda l yo pa fè anyen ki ta kapab fè timoun yo pè. Madam nan fè konnen “yo te pote manje, dlo ak sirèt pou tipitit mwen an.”

Ensidan sa a se sèl ti bren soulajman Anhelina te genyen anba okipasyon ris la. Yon ti tan apre sa, se mirak ki fè yon twoup sòlda tchetchenn te pase devan kay li a san yo pa t rete. Kòmandan an ta pral fè l konnen si militè sa yo te antre lakay li, t ap gen gwo chans pou yo touye l kòm revanj pou anpil konpayon yo ki te fèk peri nan yon anbiskad lame Ikrèn nan te tann pou yo.

Istwa Anhelina a pa diferan ak sa n jwenn nan temwayaj anpil moun ki bloke nan divès ti vil ak vilaj sòlda ris yo okipe.

XS
SM
MD
LG