Accessibility links

Breaking News

Depòtasyon Ris yo Ap Fè nan Ikrèn Bay Istoryen yo Kèsote


Lapolis tcheke papye ak sak refije yo nan Brovary, Ikren, Dimanch 20 Mas 2022.

Otorite ameriken yo deklare depòtasyon palafòs sivil ki t ap viv nan vil Mariupol, nan Ikrèn, pou mennen yo nan Larisi, se yon aksyon chokan e enjis. Otorite yo pale konsa dimanch 20 mas la apre ofisyèl yo nan Kyèv ak majistra Mariupol la te akize Moskou dèske li transpòte plizyè milye moun kont volonte yo.

Jiskaprezan sous nouvèl la poko verifye; men sa gen kèk jou Kyèv te rejte yon òf Moskou te fè pou yo kreye yon “koulwa imanitè” pou pèmèt sivil yo kouri kite 6 vil ikrenyen k ap resevwa anpil bonbadman, paske otorite ikrenyen yo dekouvri Moskou t ap fè yon jan pou koulwa sa yo debouche nan Larisi oubyen nan peyi alye li, Byelorisi.

Sou 6 koulwa yo, se 2 sèlman ki t ap pèmèt deplase yo ateri sen e sòf sou tèritwa ki anba kontwòl Ikrenyen yo. Prezidan fransè a, Emmanuel Macron, akize Larisi pou sa l rele “yon espri sinik moralman e politikman” pandan li ajoute: “Mwen pa konnen anpil sitwayen ikrenyen ki ta renmen ale nan Larisi.”

XS
SM
MD
LG