Accessibility links

Lafrans ak Plizyè Lòt Peyi ann Ewop Gen Plan pou Se Otomobil Elektrik Sèlman ki Woule Lakay yo

  • Ekip Sèvis Kreyòl VOA

Nissan Leaf, yon otomobil elektrik ki tou pre yon estasyon rechajman pou machin elektrik. Detroit, Michigan, Etazini. 12 janvye 2016.

Peyi Lafrans pwal sispann vann oto ki mache ak gazolin e ak diesel an 2040 pou pita pou rezon sante piblik.

Desizyon sa a minis ekoloji peyi a, Nicolas Hulot, te anonse, antre nan kad yon plan pou reponn limit degajman gaz ke akò Pari sou klima a te fikse. Minis Hulot deklare se pwal yon "veritab revolisyon". Frans se pi gran fabrikan oto elektrik ki vann ann Ewòp.

Peyi End vle pou tout oto ki vann lakay li se oto elektrik an 2030 pou pita. Nòvèj fè konnen l ap sispann vann oto ki mache ak gazolin e ak diesel an 2025 pou pita. Almay pral mete 1 milyon oto elektrik sou wout lakay li vè lane 2020.

Mèkredi 5 jiyè 2017 la , Volvo te anonse l ap sispann pwodui motè oto tradisyonèl vè lane 2019.

XS
SM
MD
LG