Accessibility links

Breaking News

Vizit d Amitye Sekretè Deta Pompeo nan Slovaki ak La Ongri


Minis Afè Etranjè slovak, Miroslav Lajcak (adwat) ak Sekretè Deta ameriken an, Mike Pompeo, pandan yo t ap bay yon konferans pou laprès nan vil Bratislava, nan Slovaki, madi 12 fevriye 2019 la.
Minis Afè Etranjè slovak, Miroslav Lajcak (adwat) ak Sekretè Deta ameriken an, Mike Pompeo, pandan yo t ap bay yon konferans pou laprès nan vil Bratislava, nan Slovaki, madi 12 fevriye 2019 la.

Sekretè Deta ameriken an, Mike Pompeo, k ap mete fen nan yon tounen nan 2 peyi alye l’OTAN, Slovaki avèk La Ongri, lanse avètisman ba yo pou l fè yo konnen Larisi ak Lachin ap eseye konble yon vid politik nan rejyon Ewòp Santral la e, pou yo fè sa, y ap itlize sa Misye Pompeo rele “absans Lèzetazini” nan rejyon an pandan ane ki fèk pase yo.

Annarivan Sekretè Deta a nan vil Bratislava, kapital Slovaki, li deklare Lèzetazini rete yon zanmi peyi a pandan 30 tan endepandans Slovaki, swa depi ranvèsman sistèm sovyetik la. Se menm santiman amikal sa a chèf diplomasi amerikèn nan te eksprime nan La Ongri pandan yon vizit li te fè lendi nan Budapest kote li te bay kòlèg ongwa li a konsèy pou l ofri Ikrèn plis apui aprè Larisi te anekse pa lafòs Preskil Krime a epi li te anvayi pati oryantal peyi a.

XS
SM
MD
LG