Accessibility links

Breaking News

La Frans Espere Evite Enpoze Règleman Vaksen Sevè


Moun Paris mete mask nan figi yo pou pwoteje tet yo kont COVID-19, nan moman yap pase bo kote Tou Eiffel la, Madi 21 Dec. 2021.

Fas ak yon dig dal ospitalizasyon akoz pandemi COVID-19 la, gouvènman Franse a ap eseye apwouve yon lwa ki egzije restoran ak lye piblik yo anpeche okenn moun ki pa vaksinen kont COVID-19 antre.

Responsab yo lanse avètisman pou di yo ka pran mezi pi sevè toujou, si to enfeksyon an pa bese. Gouvènman an te kite tonbe jefò li tap fè pou'l egzije moun gen yon kat lasante pou travay.

Premye Minis Jean Castex te pase jounen Madi a ap rankontre majistra ak palmantè pou konvenk yo pou yo apiye règ vaksinasyon pi sevè.

Pandansetan, vwayajè ak fanmi Franse yo ap kouri pa bann e pa pakèt nan tant kote yo ofri tès COVID yo anvan fèt yo rive.

La Frans gen 16,000 sitwayen ki kouche lopital akoz COVID-19 e 60% kabann nan seksyon swen entansif lopital yo okipe ak pasyan ki enfekte ak kowonaviris la.

XS
SM
MD
LG