Accessibility links

Komite Santral Pati Kominis Chinwa a Ouvri Reyinyon Anyèl Yo

  • Jacques Jean-Baptist

Komite Santral Pati Kominis Chinwa a Ouvri Reyinyon Anyèl Yo

Komite Santral Pati Kominis chinwa a ouvri vandredi 15 oktòb 2010 la nan Peken reyinyon anyèl li a ki toujou fèt an sekrè pou diskite sou direksyon ke ekonomi peyi a pwal pran nan lavni e pou chwazi kilès ki pwal ranplase Prezidan Hu Jintao lè l fini 2èm manda li.

Plizyè santèn otorite nan nivo nasyonal ak nan nivo pwovens yo ka diskite sou kèk pati nan plan devlopman peyi a pou 5 lane k ap vini yo, yon plan k ap tanmen an 2011.

Cheng Li, yon manm wo-plase nan Brookings Institisyon isit Washington, fè konnen kesyon ki pwal domine diskisyon yo se devlope yon plan ekonomik ki amelyore lavi pèp la e ogmante konsomasyon andan peyi a.

Pwen santral yo nan pwogram reyinyon an se konsènan 12èm plan 5 lane a, k ap ensiste espesyalman sou kesyon sosyal e sou efò pou devlope plis toujou system byennèt sosyal la nan Lachin, ak redistribisyon richès peyi a.

Delege yo nan reyinyon an k ap dire 4 jou ka apwouve kèk pwomosyon nan yon liy otorite k ap moute pou ranplase Prezidan Hu Jintao ak Premye-Minis Wen Jiabao.

Kèk analis sou politik Lachin pwal suiv ak anpil prekosyon si Vis-prezidan Xi Jinping ap pran pwomosyon pou l moute Vis-Prezidan Komisyon Militè Santral la.

Se ta yon siy ke se li menm komite a ta renmen pou ranplase Prezidan Hu, k ap desann vè kòmansman ane 2013.

Selon mesye Li, gen plizyè rezon pou di ke Msye Xi – ke yo konsidere kòmkwa li nan 5èm jenerasyon lidè chinwa yo – ka pa moute nan pozisyon militè a. Li fè konnen premye rezon an se batay k ap fèt ant ti gwoup nan mitan pat a.

2èm entèpretasyon an sèke ranplasman yo nan tèt pouvwa a an 2012 ta dwe pi ouvè pou konpetisyon, e yo pa ta dwe suiv ansyen modèl la, tankou sa a te fèt nan 3èm ak 4èm jenerasyon an, konsa nou pwal vini ak plis mwayen pou eleksyon dewoule andan pati a. Kidonk, si sa a fèt konsa, nou ka entèprete l nan jan sa a, se ta yon entèpretasyon akseptab.

Reyinyon pati-a ka bout lendi 18 oktòb 2010 k ap vini an, e enfòmasyon sou desizyon ki soti ladann ap pran yon ti tan anvan yo vin piblik.

XS
SM
MD
LG