Accessibility links

Breaking News

Komisyon 6 Janvye a ap Tann Temwayaj Thomas


Foto Achiv: Virginia "Ginni" Thomas, madanm Jij Kou Siprem Clarence Thomas.

Komisyon La Chanm de Reprezantan kap mennen anket sou atak 6 Janvye kont Capitol la gen entansyon entevyouwe plis ansyen sekrete Kabine Trump la e li pare pou asiyen militan konsevate Virginia "Ginni" Thomas, ki se madanm Jij Kou Siprem Clarence Thomas, nan kad anket lap mennen sou wòl Prezidan Donald Trump te jwe nan atak la.

Palmante yo di yap apwofondi anket yo apre yon seri odisyon ki te fini ak yon sesyon ke yo te difize nan he de pwent yo (kote pi fo telespektate Amerikan ap gade televizyon) Jedi.

Gen plan pou entevyouwe lòt temwen epi reprann travay yo nan mwad Septanm nan kote yo va rann rezilta anket yo a piblik.

Manm komite a espere gen plis enfomasyon sou jefò Ginni Thomas te mennen pou mentni Trump nan Lamezonblanch, ak potansyel konfli d'entere pou Jij Clarence Thomas kom rezilta sou ka ki gen rapò ak atak 6 Janvye a ke Kou Siprem nan te revize epi pwononse desizyon sou yo.

XS
SM
MD
LG