Accessibility links

Lidè Opozisyon an o Kenya Rale Kòl nan Zafè Eleksyon Prezidansyèl yo

  • Ekip Sèvis Kreyòl VOA

Lidè opozisyon Kenya a, Raila Odinga nan mitan. nan Nairobi, Kenya, 26 septanm 2017.

Nan Kenya, lidè opozisyon an Raila Odinga rale kò l nan eleksyon prezidansyèl yo nan moman nasyon afrikèn nan ap pare pou l reòganize nan dat 26 oktòb kap vinn la a.

Mesye Odinga bay yon konferans deprès jodi madi-a nan kapital-la , Nairobi, kote li di , nap site : "Apre nou fin fè yon deliberasyon an pwofondè konsènan pwochen eleksyon prezidansyèl yo, e lè nou pran enterè pèp kenyan an konsiderasyon, nou kwè nap sèvi populasyon an pi byen, si pati-a retire kandidatu li nan eleksyon ki pral dewoule a."

La kou suprèm nan Kenya te anule rezulta vòt 8 out pase-a , yon vòt kote prezidan sòtan Uhruru Kenyatta te pote laviktwa. Pi gwo tribinal nasyon afrik delès la te te baze anulasyon an sou gwo iregularite ou magouy li konstate bò kote komisyon elektoral endepandan Keanya-a.

XS
SM
MD
LG