Accessibility links

Breaking News

Ka Enfeksyon Omicron Komanse Bese ann Afrik di Sid


Foto Achiv: Sandile Cele, yon cheche nan Enstiti Rechech sou Lasante Afrik la nan vil Durban, ann Afrik di Sid.

Bilan ka nouvo enfeksyon kowonaviris yo bese ann Afrik di Sid pandan jou ki sot pase yo. Sa taka siyale vag ogmantasyon varyan omicron an te koze komanse ap bese, dapre ekspe medikal yo.

Malgre nouvo rezilta sa yo pa konkliziv, sitou paske chif kotidyen yo taka monte-desann, siy sa a montre omwens vag entans Afrik di Sid la komanse febli.

Mond la gen je brake sou Afrik di Sid paske se la omicron te paret pou premye fwa epi koze yon gwo ogmantasyon nan enfeksyon yo.

Apre yo chif reko 27,000 nouvo ka toupatou nan peyi a Jedi, chif yo te desann nan nivo 15, 424 jodi Jedi a.

Nan pwovens Gauteng lan, ki se pwovens ki gen plis moun - swa 16 milyon - e ki enkli Johannesburg, ak kapital peyi a Pretoria - bes la te komanse pi bone nan semen nan e lap kontinye.

XS
SM
MD
LG