NEW YORK —
Direktè retrete CIA e ansyen chef fòs Etazini nan Afganistan David Petraeus di Lavwadlamerik li pa konnen ki wòl li ka jwe, si l ap gen yon pòs, nan pwochen administrasyon Donald Trump la, malgre non l sou lis pou Sekretè Deta.
Msye Petraeus di Lavwadlamerik semèn sa a, li te gen yon "bon jan konvèzasyon" ak prezidan eli a anvan Msye Trump te anonse Rex Tillerson kòm chwa li pou djòb premye diplomat nasyon an.
Msye Petraeus konplimante Msye Tillerson deske Msye Trump te chwazi l pou pozisyon an, e li fè konnen chwa sa a ap pote yon bagay "trèz enpòtan" pou fonksyon an.