Accessibility links

Breaking News

Ayiti: 3 Avril 2018 Raple 18 Tan Apre Asasina Jounalis Jean Dominique


Jounalis ayisyen Jean L. Dominique. Foto achiv

3 avril 2000 -3 avril 2018 fè 18 lane depi kèk nèg ame te asasine direktè jeneral Radyo Haïti Inter a, Jean Léopold Dominique ak tout gadyen li, Jean Claude Louissaint nan lakou estasyon radyo a. Responsan SOS Jounalis la, Guyler C. Delva, depoze yon jèb vlè nan memwa jounalis la. An menm tan tou Mesye Delva di yap tann desizyon Kou Kasasyon sou dosye sa a pou pou lanse pwosè sou asasinay Jean Dominque la.

Nan moman komemorasyon 18 lane apre asasina jounalis PDG radyo Haiti Inter la, yon lòt jounalis ayisyen Vladimyr Legagneur gen plizyè jou depi li disparèt. Mesye Legagneur ki se yon jounalis fotograf te al kouvri yon repòtaj nan Gran Ravin, yon katye nan Pòtoprens ki gen repitasyon aktivite gan rival kap goumen antre yo tout lajounen.

Plizyè òganizasyon jounalis te òganize yon manifestasyon nan Pòtoprens semèn pase a pou mande lapolis ak lajistis fè limyè sou disparisyon jounalis la.

XS
SM
MD
LG