Accessibility links

Breaking News

Rezilta Pozitif Vizit Premye Minis Japonè a, Shinzo Abe, nan Lachin


Premye Minis japonè a, Shinzo Abe (agoch) ap bay lanmen avèk Premye Minis chinwa a, Li Keqiang, aprè yon konferans poulaprès yo te bay nan Gran Salon Pèp la nan Peken, vandredi 26 oktòb 2018 la. Misye Abe sou 2èm jou yon vizit 3 jou nan Lachin (Foto: GREG BAKER / AFP).

Otorite peyi Japon ak Lachin pran yon dispozisyon trè zenpòtan jodi vandredi a, lè yo deside plase relasyon yo nan yon pi wo nivo, sa ki reprezante -pou n site premye minis japonè a, Shinzo Abé, yon tounan istorik nan rapò ant 2 peyi azyatik vwazen sa yo.

Nan rankont Misye Abé fè ak otorite chinwa yo panan yon vizit nan Peken, yo rive siyen yon akò ki m mande pou yo fè yon echanj lajan nasyonal yo pou yon montan 30 MILYA dola; objektif la se ofri om-dafè 2 peyi yo fasilite pou yo chanje lajan japonè pou lajan chinwa -e vise versa- lè biznisman youn peyi ap fè tranzaksyon ak biznisman lòt peyi a.

Yon mezantant konsènan Lanmè Lès Lachin te toujou reprezante yon sous tansyon ant 2 peyi yo. Relasyn yo te sibi yon bès a-pik nan ane 2012 lè Tokyo te pran yon desizyon pou li nasyonalize Zile Sounkakou yo ki pa abite. Lachin pa metre dlo nan bouch li pou l di zile sa yo, ki anba kontwòl Japon, fè pati tèritwa nasyonal li. Sa te pwovoke yon bann ak yon pakèt manifestasyon nan Lachin kote santiman anti-japonè a te monte disèt wòtè, tandiske Tokyo, li menm, te redui seryezman echanj komèsyal li avèk Peken.

Premye Minis japonè a, Shinzo Abe (2èm agoch) ap pale avèk Prezidan chinwa a, Xi Jinping (2èm a dwat), pandan yon rankont ki dewoule nan Guesthouse Deta Diaoyutal la, nan Peklen, vandredi 26 oktòb 2018 la. (Foto: Nicolas Asfouri/Pool via AP).
Premye Minis japonè a, Shinzo Abe (2èm agoch) ap pale avèk Prezidan chinwa a, Xi Jinping (2èm a dwat), pandan yon rankont ki dewoule nan Guesthouse Deta Diaoyutal la, nan Peklen, vandredi 26 oktòb 2018 la. (Foto: Nicolas Asfouri/Pool via AP).

Pandan rankont Premye Minis Abé avèk otorite chinwa yo, se avèk anpil ensistans li di "si pa t gen stabilite nan rejyon Lanmè Lès Lachin nan, pa t ap fouti gen non plis amelyorasyon nan relasyon 2 peyi yo.

XS
SM
MD
LG