Accessibility links

Breaking News

Japon: Misyon Sekou yo Depwaye pou Ede Viktim yon Tranblemandtè 6,7 Ki Pran Lavi Anpil Moun


Moun kap gade domaj trablemandtè a fè nan Sapporo sou zile Hokkaido o nò peyi Japon, Foto: Kyodo 6 septanm 2018.

Japon konfime omwen 7 moun mouri nan yon tranbleman de tè pwisan ki mezire 6 vigil 7 ki frape zile Hokkaido nan nò peyi a.

Ajans Meteyo japonè a fè konnen episant tranblemandtè a ki te frape a yon pwofondè 40 kilomèt te sitye jis a lès vil Tomakomai.

Desas sa a pwovoke eboulman ki antere plizye santèn kay e li lakoz larivyè labou desann nan anpil lari nan vilaj la.

Gen prèske 3 milyon kay ki rete san kouran elektrik. Sistèm tren zile a ak ayewopò prensipal-la femen. Premye minis Shinzo Abe di yo deplwaye apeprè 25 mil solda nan Hokkaido pou ede avèk misyon sekou yo.

XS
SM
MD
LG