Accessibility links

Breaking News

Lèzetazini Kondane Atak ak Bonm ki Frape Ayewopò Entènasyonal Istanboul la, nan Tiki


Fanmi ak zanmi Habibullah Sefer, youn nan moun ki mouri nan atak madi 28 jen 2016 la nan ayewopò Istanboul la, kanpe bò kote sèkèy li ki te vlope nan drapo peyi a pandan dewoulman antèman li nan Istanbul mèkredi 30 jen 2016 la.

Direktè CIA a (Ajans Santral Ransèyman ameriken an), John Brennan, fè konnen atak suisid ak 3 bonm ki fèt madi 28 jen 2016la nan ayewopò entènasyonal vil Istanboul la, nan peyi Tiki, genyen sou li mak fabrik "Gwoup Eta Islamik la" e li lanse avètisman pou l di gwoup teworis la byen kapab ap eseye fè menm kou a Ozetazini. Misye Brennan di:

“Sikilasyon moun ak machandiz nan mond 21èm syèk la, dapre mwen, kapab fasilite gwoup islamik la reyalize sa l vle fè a. E nou te ka wè yo pa menm bezwen deplase, ni touche yon moun pou fè l pase alaksyon, jan nou te konstate sa nan atak tèrib Orlando a kote yon endividi te jwenn mwayen sèvi ak materyèl gwoup la. Men, nou genyen tou moun yo rive gide, dirije e mete nan yon pozisyon kèlkonk. Alòs, ajans sekrè ak sèvis sekurite nou yo genyen yon seri de defi devan yo.”

Pandan prezidan Barack Obama te o Kanada pou yon somè ak Premye Minis Justin Trudeau e ak prezidan meksiken an, Enrique Pena Nieto, li te pale pou l kondane sa k pase nan Istanboul la. Prezidan Obama di:

“Nou pral fè tout sa k nesesè pou n pwoteje pèp nou an. Mwen gen konfyans nou kapab e nou dwe ranpòte laviktwa sou sila yo ki pote lanmò ak destriksyon sèlman; e menm lè genyen moun kap eseye divize nou, se pou nou toujou sonje nou pi fò lè nou mete tèt nou ansanm e lè nou travay ansanm pou yon mond miyò. “

Premye minis tik la, Binali Yildrim, fè konnen gouvènman li a deja ouvè yon ankèt sou atak la; men tout prèv montre se travay Gwoup Eta Islamik la.

XS
SM
MD
LG