Inyon Ewòp la deside ranfòse sanksyon li pran kont peyi Siri ; yo vize tou kounyela a kò-delit ki nan Gad Revolisyonè peyi Iran an poutèt gwoup sa a te ede lame siryèn nan nan operasyon sere-boulon li te lanse kont òganizatè ak militan mouvman leve-kanpe k ap denonse rejim Prezidan Bashar El-Assad la depi 5 mwa deja.
Inyon Ewòp la fè parèt yon deklarasyon kote li di kò-delit Gad Revolisyonè Iran an te ofri lame siryèn nan "asistans teknik, ekipman avèk lòt kalte èd" pou l te ka kreze zo sivil ki t ap patisipe nan mouvman pwotestasyon an.