Accessibility links

Breaking News

Yon Delegasyon Palmantè Ayisyen Ap Rankontre ak Otorite Peyi Chili yo sou Dosye Depa Volontè Plizyè Imigran Ayisyen


Yon gwoup ayisyen ki devan anbasad Chili a nan Pòtoprens kote yo tap eseye pran yon randevou pou mande viza pou al o Chili.

Yon delegasyon 3 senatè ayisyen Patrice Dumond, Wilfrid Gelin ak Dennis Cadeau trouve yo O Chili depi dimanch 11 Novanm 2018 la kote y ap rankontre reprezantan gouvènman Sebastian Pinera a pou diskite sou plan imanitè retou volontè imigran ayisyen yo.

Vwayaj sa a rive apre gouvènman chilyen an te retounen semen pase a yon premye group ayisyen an ki te enskri nan pwogram Plan Retou Volontè pou imigran ayisyen yo.

Delegasyon an ta dwe retounen an Ayiti jedi 15 novanm 2018 kap vini la dapre Senatè Patrice Dumond. Yon group ayisyen te manifeste lendi 12 novanm nan devan anbasad Ayiti o Chili pou pwoteste kont lantè otorite yo pou fè yo jwenn dokiman k ap ede yo regilarize estati yo nan nasyon Amerikdi Sid la.

XS
SM
MD
LG