Accessibility links

Breaking News

Gwatemala ak Meksik Pwomèt pou Demantibile Rezo Kontrebann Entènasyonal Migran yo, Apre Aksidan Kamyon an


An injured migrant woman is moved by rescue personnel from the site of an accident near Tuxtla Gutierrez, Chiapas state, Mexico, Dec. 9, 2021.

Otorite peyi Gwatemala ak Meksik pwomèt vandredi 10 desanm lan pou yo demantibile rezo kontrebann entènasyonal migran yo, ke yo te blame pou aksidan kamyon jedi 9 desanm lan kote 55 migran te rive pèdi lavi yo, majorite migran yo te soti nan peyi Gwatemala.

Minis Afè Etranjè Meksiken an, Marcelo Ebrard, te di ke yo te kreye yon "plan d'aksyon" rejyonal pou konbat rezo kontrebann migran yo, "plan d'aksyon" rejyonal sa a jwenn sipò, Repiblik Dominikèn, Ekwatè, Gwatemala, Ondiras, Meksik, Nikaragwa ak Etazini.

El canciller de México, Marcelo Ebrard, habla a la prensa antes del debate sobre tráfico de armas en Naciones Unidas el 22 de noviembre de 2021. Foto toma de video.
El canciller de México, Marcelo Ebrard, habla a la prensa antes del debate sobre tráfico de armas en Naciones Unidas el 22 de noviembre de 2021. Foto toma de video.

Pandan yon konferans pou laprès, Ebrard deklare ke yo pral mennen yon "ankèt, pou idantifye, epi mennen devan lajistis" moun ki responsab aksidan kamyon an.

Minis Afè Etranjè Gwatemala a, Pedro Brolo, bò kote pal te mande pou Washington envèsti plis nan rejyon an pou soulaje povrete ki genyen an. Brolo te pwopoze tou pou gouvènman Gwatemala, Meksik ak Etazini an òganize yon reyinyon pou travay sou politik migrasyon yo.

Chak mwa, plizyè milye imigran k ap kouri kont povrete ak vyolans nan peyi Amerik Santral vwayaje atravè Meksik pou rive sou fwontyè Etazini a pou mande azil. Yo souvan vwayaje nan kondisyon danjere nan plizyè kamyon.

XS
SM
MD
LG