Accessibility links

Breaking News

Gouvènman Venezyela Reprann Negosyasyon ak Opozisyon an


Chita tande ant reprezantan gouvenman Venezyelyen an ak opozisyon an nan peyi Meksik, Samdi 26, Nov. 2022.

Gouvènman Venezyelyen an antann ni ak opozisyon an pou kreye yon fon Nasyonzini va jere pou finanse swen sante, asistans alimantè ak pwogram edikasyon pou moun nan katye defavorize yo.

Pandansetan, administrasyon Biden nan soulaje kèk nan sanksyon li te enpoze kont sektè petwolye Venezyelyen an, nan yon tantativ pou bay nouvo chita tande a yon bourad.

Akò ki siyen ant reprzanten Prezidan Nicolas Maduro ak opozisyon an Samdi nan vil Mexico Siti, make yon repriz negosyasyon ki te bloke pandan lontan e ki vize jwen yon solisyon pou kriz politik konplike peyi a.

Kòm repons, gouvènman Ameriken an bay konsantman li pou pèmèt jeyan petwolye Chevron rekomanse rafinen petwòl Venezyelyen an.

XS
SM
MD
LG