Accessibility links

Breaking News

Prezidan Trump Apresye Desizyon Konpayi FOXCONN Pou l Ouvri Biznis Li nan Eta Wisconsin


Prezidan Donald Trump avèk Terry Gou, fondatè e prezidan konpayi Foxconn, epi Prezidan Chanm Depite a Paul Ryan, ki t ap patisipe nan seremoni poz premyè pyè konstriksyon yon bilding Foxconn Technology Group kote konpayi a pral opere nan vil Mount Pleasant, nan Eta Wisconsin, Ozetazini.

Ozetazini, Prezidan Trump, ki chante gwo kant-a-mwa pou sa li konsidere kòm "gwo siktè ekonomik" gouvènman li a ranpòte pandan premye ane li sou pouvwa a, lanse apèl pou l mande plis konpayi fè menm jan ak konpayi elektwonik FOXCONN ki gen katye jeneral li nan Taywann e ki envesti lajan li Ozetazini.

Se pa ti konpliman Misye Trump pa fè pou FOXCONN nan okazyon seremoni poz premyè pyè yon gwo bilding kanpayi an ap konstwi nan Eta Wisconsin, nan sant-west peyi a, e ki pral koute 10 miltya dola. Se dènye e pi gwo envestisman an dat FOXCONN fè nan rejyon sa a Ozetazini.

Prezidan Donald Trump avèk Terry Gou, fondatè e prezidan Foxconn, epi Masayoshi Son, PDG Softbank, ki t ap pale aprè seremoni poz premyè pyè konstriksyon yon gwo batiman pou konpayi Foxconn nan vil Mount Pleasant, nan Eta Wisconsin
Prezidan Donald Trump avèk Terry Gou, fondatè e prezidan Foxconn, epi Masayoshi Son, PDG Softbank, ki t ap pale aprè seremoni poz premyè pyè konstriksyon yon gwo batiman pou konpayi Foxconn nan vil Mount Pleasant, nan Eta Wisconsin

Pandan lidè ameriken an chante lwanj konpayi taywanè a pou desizyon li pran pou l ogmante envestisman li nan Wisconsin, li kritike plan yon lòt konpayi k ap opere nan menm Eta a poutèt li deside transfere aletranje yon pati nan pwodiksyon li, yon fason pou l evite konsekans plan peyi ewopeyen yo genyen pou yo ogmante tarif yo sou pwodui ameriken yap enpòte. Peyi ewopeyen yo anonse plan sa a kòm yon repons kif-kif pou desizyon administrasyon Trump la pran pou l ogmante frè de dwann yo sou pwodui kap soti lakay yo.

XS
SM
MD
LG