Accessibility links

Breaking News

Etazini-Politik : Senatè Jeff Flake (R-AZ) Pran Distans li ak Prezidan Trump pou Jan li Trete Laprès


Sen. Jeff Flake (R-Ariz)., ki tap rankontre ak laprès nan Kongrè a nan dat 4 janvye 2018 la. Li te anonse ane pase li pa pral poze kandidati li ankò nan eleksyon senatoryal ki ap dewoule pandan ane 2018 la.

Yon senatè repibliken, Jeff Flake (R-AZ) youn nan pi gwo krtitik prezidan Donald Trump, anonse li pral fè, pi ta semèn sa a, yon diskou kote li pral konpare Prezidan ameriken an avèk ansyen lidè sovyetik Joseph Stalin.

Daprè kèl ekstrè diskou sa a ki deja tonbe anba men laprès, nan diskou sa a ke Senatè Flake pral fè mèkredi 17 janvye 2018 la, li gen pou deklare ke atak Prezidan Trump lanse sou laprès yo, se atak “ki pa gen parèy” nan listwa e ki “pa jistifye.”

Daprè laprès, Senatè Flake, ki se yon repibliken, pral deklare: “Se yon testaman sou eta aktyèl demokrasi nou an ki montre kijan pwòp prezidan nou an ap itilize pawòl ki te sòti nan bouch Josef Stalin pou l dekri lennmi li.”

Se yon referans ak yon tweet Mistye Trump te pib;loye nan mwa fevroye 2017, kote li te deklare ke kèk ajans nouvèl enpòtan Ozetaini se “ennmi Pèp Ameriken an.”

XS
SM
MD
LG