Accessibility links

Breaking News

Etazini: Yon Lòt Timoun Mouri Pandan li sou Kontwòl Gad Fwontyè Ameriken


Timoun imigran ki anba kontwòl gad fwontyè ameriken nan Tucson, Arizona. Foto: REUTERS/Leah Millis, 28 jen 2018.

Yon lòt timoun gwatemaltèk mouri pandan li te anba kontwòl gad fwontyè ameriken, e omwen yon depite ameriken lanse apèl pou ouvè yon ankèt sou sikonstans ki debouche sou lanmò a.

Otorite yo di Felipe Gomez Alonzo, ki gen 8 tan, desede nan yon lopital eta Nouvo Meksik, kèk minit apre minui nan jou nwèl la, 25 desanm 2018 swa yon ti bout tan apre yo te fin antere yon tigason 7 tan nan peyi Gwatemala ki te mouri Ozetazini tou.

Depite Beto O'Rourke abòde pwobèm nan, kote li di: Genyen yon envestigasyon ki louvri nan biwo enspektè jeneral la, e mwen lanse apèl pou yon lòt envestigasyon nan ka lanmò jou nwèl la."

XS
SM
MD
LG