Accessibility links

Lèzetazini Pran Angajman pou l Aksepte yon Gwoup 1200 Refijye

  • Ekip Sèvis Kreyòl VOA

Yon gwoup moun kap mande azil politk. Yo kenbe kat didantite yo nan men yo apre yo te rive sou zile Manus papwazi-Nouvèl Gine.

Peyi Etazini pral anore akò Washington te siyen ak Kamberra sou administrasyon Prezidan Obama a kote li te dakò pou l resevwa yon gwoup 1200 refijye ki tap eseye antre nan peyi Ostrali.

Premye minis Ostralyen a, Malcom Turnbull, ki tap pale mèkredi 1e fevriye 2017 a deklare Etazini ap respekte akò li te siyen an jan l te pwomèt pou l akeyi yon gwoup refijye ki soti nan kan ki sou yon zile sou Pasifik la e kap chache azil.

Dapre Mesye Turnbull, Etazini pap defèt akò a, malgre desizyon Prezidan Donald Trump te pran 27 janvye 2017 la pou fè yon kanpe sou admisyon refijye yo pou yon peyòd 120 jou pou rezon sekirite.

Otorite ostralyen yo te bare refijye yo sou lanmè ann Ostrali e yo te mete yo nan yon kan ki nan peyi Papwazi-Nouvèl Gine ak sou zile Nauru.

XS
SM
MD
LG