Accessibility links

Breaking News

Etazini: Madam Kirstjen Nielsen Kite Pòs Minis Depatman Sekirite Teritoryal la


Ansyen minis Depatman Sekirite Teritoryal la, Kirstjen Nielsen

Minis Depatman Homeland Security a swa Depatman Sekirite Enteryè a, Kirstjen Nielsen, bay demisyon li apre 16 mwa nan pòs la -yon peryòd kote li te anba anpil presyon li tap resevwa bò kote La Mezon Blanch ak piblik ameriken an poutèt jan sitiyasyon an prezante nan zòn fwontyè Lèzetazini pataje ak Meksik la.

Nan yon nòt Prezidan Trump pibliye sou kont Twitter li, li di Madam Nielsen mèsi pou sèvis li, tandiske, ann menm tan, li anonse ke li chwazi aktyèl direktè jeneral Sèvis Ladwann ak Pwoteksyon Fwontyè a, Kevin Mc-A-Lee- pou dirije depatman an pwovizwaman.

Administrasyon Trump la toujou anba kritik gwoup defansè dwa imigran yo akoz aplikasyon yon politik imigrasyon ki otorize separasyon timoun piti ak fanmi yo sou pati sid fwontyè Etazini pataje ak Meksik la, sètadi paran ki antre sou teritwa ameriken an iligalman.

XS
SM
MD
LG