Accessibility links

Lachin Aksepte Retounen Yon Aparèy Soumaren Telegide Ameriken li te Kaptire nan Zòn Lanmè Ki an Diskisyon yo


Nan dat 15 Desanm 2016, yon bato Chinwa te sezi anba lanmè sid Lachin yon aparèy soumaren san pilot ki se pwoprite Marin Ameriken. Aparèy la te soti nan yon baz naval ameriken nan peyi Filipin.

Prezidan eli ameriken an, Donald Trump te itilize kont Twitter li pou l ekri e fè kòmantè sou ensidan an kote li di "Lachin vòlè yon aparèy rechèch Marin ameriken nan dlo entènasyonal yo. Se yon zak san parèy".

Prezidan-eli Etazini an Donald Trump ki tap pale pandan yon rasanbleman nan Ladd-Peebles Stadium nan Mobile, Ala. Foto: 17 desanm, 2016
Prezidan-eli Etazini an Donald Trump ki tap pale pandan yon rasanbleman nan Ladd-Peebles Stadium nan Mobile, Ala. Foto: 17 desanm, 2016

Depatman defans Etazini an fè konnen li rive jwenn yon "antant" ak Peken pou remèt aparèy soumaren telegide Marin ameriken an ki te anba dlo nan sid lanmè Lachin.

"Atravè kontak dirèk ak otorite chinwa yo, nou te jwenn garanti yo pral retounen aparèy la bay peyi Etazini," pou site pòtpawòl Depatman Defans Ameriken an, Peter Cook.

2 aparèy Soumaren Telegide nan yon laboratwa maritim Marin Ameriken nan Middletown, R.I.
2 aparèy Soumaren Telegide nan yon laboratwa maritim Marin Ameriken nan Middletown, R.I.

Nan dat 15 Desanm 2016, yon bato Chinwa te sezi anba lanmè sid Lachin yon aparèy soumaren san pilot ki se pwoprite Marin Ameriken. Aparèy soumaren an te twouve li apeprè a 50 mil nòdwès, nan dlo entènasyonal ant Lachin ak Filipin nan kad travay oseannografik ak rechèch maritim Marin Ameriken ap fè nan zòn nan. Li te soti nan yon baz naval ameriken nan peyi Filipin.

Ensidan sa a soulve enkyetid nan Washington, ak nan mitan alye Azyatik yo sou prezans militè Lachin nan lanmè sid Lachin ak Filipin. Analis politik k ap suiv dewoulman konfli a konsidere l tankou yon repons agresif Peken bay nan kad konpetisyon ak reklamasyon maritim kap fèt nan rejyon an.

Misye Cook di li fè otorite chinwa yo konnen zak sezi aparèy soumarin san pilot Marin ameriken, ki te anba lanmè entènasyonal yo, se yon aksyon ilegal.

Apre Pentagòn nan te fin anonse sanmdi 17 desansm 2016 la yo jwen yon antant ak Lachin ki aksete pou l retounen aparèy la, Prezidan eli Etazini an Donald Trump te ekri ankò sou kont Twitter li, "Nou ta dwe di Lachin, Etazini pa bezwen aprèy soumaren yo te vòlè a. Lachin mèt kenbe l.”

XS
SM
MD
LG